Ramazan bayramınız mübarək!

Kaspi Təhsil Şirkəti Azərbaycan xalqını Ramazan bayramı münasibətilə təbrik edir

Müqəddəs Ramazan ayı başa çatır. Bütün dünyanın müsəlmanları bu müqəddəs ayda oruc tutub dua etdilər.

İslam sivilizasiyasının tarixi-mədəni mərkəzlərindən olan Azərbaycanda Ramazan bayramı hər il böyük təntənə ilə keçirilir, xalqımızın və dövlətimizin firavanlığı, əmin-amanlığı üçün dualar edilir, ölkəmizin müstəqilliyi və ərazi bütövlüyü uğrunda canından keçən qəhrəman Vətən övladlarının xatirəsi dərin ehtiramla yad olunur.

Prezident İlham Əliyev Ramazan bayramı münasibətilə Azərbaycan xalqına təbrikində deyilir ki, bəşər övladını əxlaqi paklığa, humanizmə, birlik və bərabərliyə dəvət edən, insanların ruhunu və mənəviyyatını saflaşdıran mübarək Ramazan ayında müsəlmanlar Uca Yaradan qarşısında öz borcunu ləyaqətlə yerinə yetirmək fürsəti əldə edir, mənəvi kamilliyin və savab əməllərin sevincini yaşayırlar. “Cəmiyyətimizdə vəhdəti və həmrəyliyi daha da gücləndirən, xeyirxahlığın, şəfqət və mərhəmət duyğularının təntənəsinə çevrilən on bir ayın sultanı Ramazan ayı başa çatır. Bu mübarək bayram münasibətilə bir daha hər birinizə və ölkəmizin hüdudlarından kənarda yaşayan bütün soydaşlarımıza səmimi təbriklərimi çatdırır, ailələrinizə xoşbəxtlik, süfrələrinizə xeyir-bərəkət arzulayıram!”

Kaspi Təhsil Şirkəti Azərbaycan xalqını müqəddəs Ramazan bayramı münasibətilə təbrik edir.

Allah hamının orucunu, dua və niyyətlərini qəbul etsin!

Ramazan bayramınız mübarək olsun!

Kaspi.edu.az