“Uğurun sirləri” adlı seminar keçirilib

Şagirdlərin şəxsi və akademik inkişafını dəstəkləmək, motivasiyalarını artırmaq və gələcək uğurlarına hazırlıq

Kaspi Bakıxanov liseyinin 9-cu sinif şagirdləri üçün “Uğurun sirləri” adlı seminar keçirilib. Seminarı Kaspi Liseyləri üzrə akademik kurator Namik Cümşüdov həyata keçirib. “Seminarın məqsədi şagirdlərin şəxsi və akademik inkişafını dəstəkləmək, motivasiyalarını artırmaq və gələcək uğurlarına hazırlıq aparmaq idi”-deyə Liseydən verilən məlumatda qeyd edilib.

Tədbir zamanı “Şüuraltının gücü”, “Hədəf qoymaq”, “Vərdiş formalaşdırmaq”, “Zamanı idarə etmək” mövzularına toxunulub: “Şagirdlər praktiki tapşırıqlarla tanış oldular, suallarını cavablandırdılar və fərdi tövsiyələr aldılar.

Seminar həmçinin şagirdlərin məqsədlərinə fokuslanmasına, dərs prosesində aktiv iştirak etməsinə və uğur yollarını müəyyən etməsinə dəstək oldu”.

Kaspiliseyi.az