Liseyin balaca şagirdləri üçün Yeni il şənliyi

Şagirdlərin çıxışları, ifa etdikləri mahnı və rəqslər valideynlər və məktəbin kollektivi tərəfindən məmnunluqla qarşılanıb.

Kaspi Bakıxanov liseyi Cambridge bölməsində şagirdlər üçün Yeni il bayramı münasibətilə tədbir keçirilib.

Liseydən verilən məlumata görə, bu, balacaların ilk tədbiridir: “Liseyimizin balaca ulduzları səhnəmizi işıqlandırdı. Bu, onların ilk tədbiri idi. Sevinc və həyəcan bütün çıxışlar boyu hiss olunsa da, hər biri böyük məharətlə çıxışının öhdəsindən gəldi”.

Daha sonra 2-ci sinif şagirdləri birgə hazırladıqları əyləncəli “Qış nağılı” ilə valideynlərini sehrli bir dünyaya qonaq ediblər.

Şagirdlərin çıxışları, ifa etdikləri mahnı və rəqslər valideynlər və məktəbin kollektivi tərəfindən məmnunluqla qarşılanıb.

Kaspiliseyi.az