Destination Imagination şagirdlərə nələr vəd edir?

170 min tələbə və 38 min könüllünü birləşdirən proqram

“Destination Imagination” bütün dünyada uşaqlara və gənclərə məktəbdə, karyerada və bütün həyatlarında uğurlu olmaq üçün lazım olan bacarıqları öyrətməyə həsr olunmuş qeyri-kommersiya təhsil proqramıdır. İlk dəfə ABŞ-da ortaya çıxan və ABŞ-ın 42 və Kanadanın 7 əyalətini əhatə edən proqram hazırda 28 müxtəlif ölkədə tətbiq edilir və dünya üzrə 170 min tələbə və 38 min könüllünü birləşdirir.

kaspi.edu.az xəbər verir ki, STEAM (elm, texnologiya, mühəndislik, incəsənət və riyaziyyat) təhsilinin incəsənət və sosial sahibkarlıq ilə bir vəhdətini təklif edən layihə əsaslı öyrənmə proqramı şagirdlərin arzularını reallaşdırdığı mühiti yaratmağı hədəfləyir.

Destination Imagination vasitəsilə təhsilalanlar 21-ci əsrin yaradıcı və tənqidi düşüncə, komanda işi, problem həll etmə, risk götürmə, layihələrin idarə edilməsi, səbir, etibar kimi bacarıqlarını inkişaf etdirəcəklər.

Proqram uşaqlar arasında əməkdaşlıq, hörmət, liderlik bacarıqları, əzmkarlıq və dürüstlük kimi şəxsi keyfiyyətləri inkişaf etdirmək məqsədi daşıyır. Proqram çərçivəsində tələbələr yaradıcılıq

prosesindən istifadə edərək verilən yeddi tapşırığı dərindən dərk edir, araşdırma aparır, lazım gələrsə, həll yolları tapmaq və bunları təqdim etmək üçün komanda şəklində işləyirlər. Türkiyədə proqrama

Türk Hava Yolları, Coca-Cola, Bosch və Vestel kimi aparıcı şirkətlər dəstək verir. İnanırıq ki, hər bir uşağın öz hekayəsini danışmaq, unikal yaradıcılığını bölüşmək və nailiyyətlərini qeyd etmək fürsəti olacaq. Bu yaradıcı özünüifadə prosesində iştirak etməklə şagirdlər daha inamlı və bilikli fərdlər olaraq böyüyürlər.

Qeyd edək ki, Destination Imagination mövsümü hər il sentyabr ayında başlayır və may ayının sonunda ABŞ-da böyük finalla yekunlaşır. Proqram çərçivəsində gələn ilin yanvar-fevral aylarında Destination Imagination Azərbaycan turniri planlaşdırılıb. Tədbir Azərbaycanın qabaqcıl məkanlarının birində keçiriləcək və qalib olan şagirdlər Türkiyə və Amerika finallarına vəsiqə qazanacaqlar. Türkiyə Turniri 2025-ci il mart ayının 6-9-da, Amerika Turniri isə may ayının 15-ində baş tutacaq.

Noyabr ayının 9-da Kaspi liseyi Ağ Şəhər filialında bu istiqamətdə mövsüm tədbirlərindən biri - Ani Tapşırıq Şənliyi baş tutub.

Proqramda iştirak edən şagirdlərimizə uğurlar arzulayırıq!

kaspi.edu.az