“Cambridge” bölməsində Riyaziyyat Olimpiadası keçirilib

Şagirdlər bu istiqamətdə bilik və bacarıqlarını sınamağa çalışıblar

"Riyaziyyat həftəsi" çərçivəsində Kaspi liseyinin "Cambridge" bölməsi tərəfindən ikinci və üçüncü sinif şagirdləri arasında Riyaziyyat Olimpiadası keçirilib.

Liseyin Jurnalistika dərnəyindən verilən məlumata görə, bilik yarışmasında şagirdlər komanda şəklində bir-biri ilə yarışaraq riyaziyyatın müxtəlif istiqamətlərinə aid bilik və bacarıqlarını sınamağa çalışıblar: “Olimpiada şağirdlərin riyaziyyat sahəsindəki bilik və bacarıqlarını daha da genişləndirmək, onlarda məntiqi düşüncəni inkişaf etdirmək və komanda şəklində işləmə qabiliyyətlərini artırmaq məqsədi daşıyırdı”.

Olimpiadanın nəticələrinə əsasən 3H sinfinin komandası I yer, 3G, 2G siniflərinin komandaları II yer və 2H sinfinin komandası və 2F sinfinin komandası III yerə layiq görülüblər. Qalib komandalar təltif edilib.

kaspi.edu.az