“Dekorların rənglənməsi” mövzusunda ustad dərsi keçirilib

Həm öyrədici, həm də yaradıcılıq təxəyyüllün inkişafı üçün

Molding Baku Şirkəti ilə Kaspi Liseyi uşaqlar üçün birgə ustad dərsi təşkil ediblər. “Dekorların rənglənməsi” mövzusunda keçirilən ustad dərsi uşaqlara unudulmaz anlar yaşadıb.

Liseydən verilən məlumata görə, tədbirdə Kaspi Liseyinin şagirdləri Molding Baku Şirkətinin qonağı olaraq həm öyrədici, həm də yaradıcılıq təxəyyüllərini inkişaf etdirəcək gün keçiriblər: “Uşaqlara gipsdən hazırlanmış unikal suvenirlər təqdim edildi və onlar müsabiqə zamanı dekorları rəngləyərək unudulmaz xatirələr qazandılar. Tədbir, şagirdlərimizə sevinc dolu anlar yaşatdı”.

Tədbir Molding Baku ilə Kaspi Liseyinin hazırladığı xüsusi tortun kəsilməsi ilə başa çatıb.

Xatırladaq ki, Molding Baku Şikətinin əsas fəaliyyət sahəsi gips dekorlarının istehsalı, satışı və bütün Azərbaycana çatdırılmasıdır. Şirkətin daxilində interyerin bərpası, yaradılması və yenidən qurulması sahəsində böyük təcrübəyə malik bərpaçılar, modelçilər, memarlar, ustalardan ibarət işçi heyəti vardır. Gips dekor bazarının aparıcı şirkətlərindən olan şirkət təsis edildiyi vaxtdan – 2012-ci ildən bəri  böyük və geniş miqyaslı layihələrdə iştirak edir. Şirkət paralel olaraq ictimai işlərdə aktiv rol almaq üçün daim çalışır və bu istiqamətdə töhfələr verir. Molding Baku Şikəti gənc şirkət olmasına baxmayaraq, gənclərə və uşaqlara dəyər verməsi ilə seçilən şirkətdir. Şirkət hər zaman gələcəyimizi daha dəyərli və zəngin edəcək təşəbbüslərini ümdə vəzifə və məqsəd bilir.

kaspi.edu.az