2019-cu ilin məzunları liseydə

Kaspi Ağ Şəhər liseyində məzunlarla görüş keçirilib

Kaspi Ağ Şəhər Liseyində 2019-cu ilin məzunları ilə lisey rəhbərliyinin və müəllimlərin görüşü keçirilib. kaspi.edu.az-a liseydən verilən məlumata görə, görüş zamanı məzunlar məktəb illərində sosial fəaliyyətlərə, idman yarışlarına, dərnəklərə və beynəlxalq olimpiadalarda iştiraklarının onların şəxsi və akademik inkişaflarında oynadığı mühüm roldan bəhs ediblər. Liseyin rəhbəri Həsən Həsənov görüşdə məzunların dünyanın müxtəlif ölkələrində ölkəmizi layiqincə təmsil etdiklərini, fərqli sahələrdə qazandıqları uğurlarla oxuduqları məktəbin adına qürur hissi yaşatdıqlarını vurğulayıb: “Bu uğurların təməlində məktəbdəki aktiv sosial həyat, keyfiyyətli təhsil və əzmkarlıq dayanır”- deyə direktor qeyd edib.

Görüş zamanı məzunların ixtisaslarına uyğun olaraq liseyin hazırkı şagirdləri ilə motivasiyaedici görüşlərinin təşkili planlaşdırılıb. “Bu görüşlər gələcək məzunlara ilham verəcək və onların öz inkişaf yollarını daha aydın müəyyənləşdirmələrinə kömək edəcək. Kaspi liseyi olaraq məzunlarımızın beynəlxalq səviyyədə qazandıqları uğurları hər zaman diqqətlə izləyir və onlarla qürur duyuruq!”

kaspi.edu.az