Liseyin şagirdlərinə Cambridge imtahan sertifikatları təqdim olunub

Bu imtahanlar sayəsində valideynlər ingilis dili üzrə istənilən səviyyədə övladlarının inkişaf dinamikasını müşahidə edə bilirlər

Kaspi Bakıxanov liseyinin şagirdləri ötən tədris ilinin sonunda Cambridge Assessment-in təşkil etdiyi Starters, Movers, Flyers, KET, PET, FCE imtahanlarına qoşulmaqla ingilis dili bilik və bacarıqlarını yoxlayıblar.

Liseyin şagirdləri rəsmi qurum tərəfindən beynəlxalq sertifikatlar əldə ediblər. Bununla əlaqədar oktyabr ayının 18-i liseydə təqdimat mərasimi təşkil edilib.

Qeyd edək ki, Cambridge imtahan sertifikatları dünyanın 25 min təşkilatı tərəfindən tanınır və hər il bu imtahanlarda 5,5 milyon insan iştirak edir. Bu  imtahanlar şagirdlərə yiyələndikləri 4 əsas dil bacarıqlarını - danışıq, dinləmə, yazı və oxuma bacarıqlarını eyni vaxtda ölçə bilmə imkanını yaradır. Eləcə də, bu imtahanlar sayəsində valideynlər ingilis dili üzrə istənilən səviyyədə övladlarının inkişaf dinamikasını müşahidə edə bilirlər.

Liseydən kaspi.edu.az-a verilən məlumata görə, tədbirdə liseyin direktoru Cahid Hüseynov şagirdləri qazandıqları uğura görə təbrik edib və nailiyyətlərinin davamlı olmasını arzulayıb.

Sonda şagirdlərə sertifikatlar təqdim olunub.

kaspi.edu.az