Həm əyləncəli, həm də öyrədici təcrübə
Qız şagirdləri üçün əl işi üzrə masterklass keçirilib
Kaspi Ağ Şəhər Liseyində sinif saatı çərçivəsində 6-cı sinif qız şagirdləri üçün əl işi üzrə masterklas təşkil olunub. Tədbiri 6 “B” sinif şagirdi Aliyə Bayramzadə anası ilə birlikdə keçirib.
Masterklass zamanı şagirdlər muncuqlardan qolbaq hazırlamağı öyrənib, fərqli və rəngarəng bəzəklər düzəldiblər. Məktəblilər proses zamanı həm yeni bacarıq qazanıb, həm də xoş və yaradıcı vaxt keçiriblər. Digər valideynlər də böyük maraqla iştirak edərək uşaqlara dəstək olublar.
Qısa zaman ərzində keçirilən masterklass şagirdlər üçün həm əyləncəli, həm də öyrədici bir təcrübə olub.
Kaspi.edu.az