“Fenerbahçe Spor Okulları Azərbaycan” artıq Kaspi Liseyində!

Məqsəd şagirdlərin futbol sahəsində yalnız texniki bacarıqlarını deyil, həm də əzmkarlıq, məsuliyyət və komandada işləmə bacarıqlarını inkişaf etdirməkdir

Ölkənin lider futbol məktəblərindən biri olan “Fenerbahçe Spor Okulları Azərbaycan” Kaspi Liseyində fəaliyyətə başlayır.

kaspi.edu.az xəbər verir ki, bu əməkdaşlıq sayəsində, şagirdlərimiz peşəkar futbol təlimlərindən yararlanaraq öz potensiallarını daha da inkişaf etdirmək imkanı əldə edəcəklər.

Kaspi Ağ Şəhər Liseyinin direktoru Həsən Həsənovun verdiyi məlumata görə, futbol dərsləri dərnəklər şəklində təşkil olunacaq: “Bu dərslərlə şagirdlərə həm fərdi, həm də komanda bacarıqlarını inkişaf etdirmək üçün lazımi təlimlər veriləcək. Təlimlər uşaqların yalnız futbol texnikalarını deyil, eyni zamanda intizam, əməkdaşlıq və liderlik bacarıqlarını da inkişaf etdirməyə yönələcək”.

Qeyd edək ki, “Fenerbahçe Spor Okulları Azərbaycan” həm əyləndirici, həm birləşdirici, həm də motivasiyaedici təlim mühiti ilə tanınır. “Biz Kaspi Liseyi olaraq, şagirdlərimizi professional mütəxəssislərlə əhatə edərək onların idman sahəsində daha da irəliləmələrini təmin edirik”. Direktor bildirir ki, bu yeni təşəbbüs, Kaspi Liseyinin şagirdlərinə yeni və geniş imkanlar təqdim etməklə yanaşı, idmanla maraqlanan təhsilalanlara daha peşəkar səviyyədə məşq etmə şansı verir: “Məqsədimiz, şagirdlərimizin futbol sahəsində yalnız texniki bacarıqlarını deyil, həm də əzmkarlıq, məsuliyyət və komandada işləmə bacarıqlarını inkişaf etdirməkdir”.

kaspi.edu.az