Uşaqlarımızın ədəbi zövqünün formalaşması və kitaba sevgilərinin aşılanması üçün

Uşaqlarımızın ədəbi zövqünün formalaşması və kitaba sevgilərinin aşılanması üçün

Kaspi Bakıxanov Liseyində İngilis bölməsinin şagirdləri üçün maraqlı və maarifləndirici nağıl saatı təşkil olunub. Yazıçı, pedaqoq Nuranə İslam şagirdlərin qonağı olub.

Liseyin kitabxanaçısı Nərgiz Zülfiyeva bildirir ki, uşaqları nağılın sehrli dünyasına aparan bu görüş zamanı həm onların dil bilikləri, həm də yaradıcılıq qabiliyyətləri üzə çıxıb: “Şagirdlər müəlliflə açıq dialoqda iştirak edərək, hekayədə yeni baxış bucağı qazandılar. Bu cür görüşlər uşaqlarımızın ədəbi zövqünün formalaşmasında və kitaba sevgilərinin aşılanmasında mühüm rol oynayır. Dəyərli vaxtını ayırdığına və gözəl təqdimatına görə Nuranə İslama təşəkkürümüzü bildiririk!”

Kaspi.edu.az