Şagirdlər əyləndilər və milli adət-ənənələrimizlə yaxından tanış oldular

Şagirdlər əyləndilər və milli adət-ənənələrimizlə yaxından tanış oldular

Xalqımızın ən qədim və əziz bayramlarından biri olan Novruz yurdumuza qədəm qoyur. Novruz xalqımızın mədəniyyətini, milli-mənəvi dəyərlərini özündə əks etdirən, dünyaya tanıtdıran qədim el bayramıdır. Xalqımızın yüksək zövqü və bədii təfəkkürü bu xalq bayramının el şənliklərində və rəngarəng əyləncələrində özünü əks etdirir, onun mənəvi dünyasının təzahürünə, aynasına çevrilir.

Bu gün Novruz bayramı münasibəti ilə Kaspi Bakıxanov liseyində şənlik keçirilib.

Liseyin Sosial fəaliyyətlər üzrə rəhbəri Gülnarə Allahverdiyevanın verdiyi məlumata görə, tədbirdə şagirdlər maraqlı folklor nümunələri, gözəl rəqslər, şən mahnılar ifa ediblər: “Baharın atributları -Bahar qızının, Kosa və Keçəlin duzlu-məzəli çıxışları şagirdlər tərəfindən maraqla qarşılandı. Onlar əyləndilər, şən vaxt keçirdilər. Həmçinin milli adət-ənənələrimizlə daha yaxından tanış oldular”.

Novruz bayramınız mübarək!