“Zəif bənd” - Fənlərin Həmrəyliyi yarışı keçirilib

Yarışda 11-ci sinif şagirdləri iştirak ediblər

Kaspi Ağ Şəhər liseyində 11-ci sinif şagirdləri arasında “Zəif bənd” - Fənlərin Həmrəyliyi yarışı keçirilib. Yarış Dünya Azərbaycanlılarının Həmrəylik Gününə həsr edilib.

Liseydən verilən məlumata görə, yarışın keçirilməsində əsas məqsəd məktəblilərin müxtəlif mövzularda biliklərini sınamaq, öyrədici və əyləncəli zaman keçirmək, məktəbi bitirməyə hazırlaşan şagirdlərdə xoş xatirələr yaratmaqdır:

“Yarışda 10 şagird mükafat uğrunda mübarizə aparırdı. Həyəcanlı, sürətli və yüksək rəqabət ruhunda keçən oyunun sonuncu raundunda 2 şagird final sualları cavablandırdılar. Verilən cavablar əsasında hər iki oyunçunun xalları eyni olduğuna görə mükafat məbləği iki şagird arasında bərabər bölündü”.

Yarışın sonunda xatirə şəkli çəkilib.

kaspi.edu.az