Şagirdlər üçün praktik ekskursiya

Məktəblilərimiz FAB boya və Kimya Sənayesi MMC-yə ekskursiya ediblər

Kaspi Ağ Şəhər liseyində şagirdlər üçün Kimya fənni üzrə ekskursiya təşkil edilib.

Liseydən verilən məlumata görə, şagirdlər FAB boya və Kimya Sənayesi MMC-yə ekskursiya ediblər.

“Məqsədimiz şagirdlərin nəzəri cəhətdən öyrəndikləri bilikləri praktik cəhətdən möhkəmləndirmələridir. Çünki şagirdlər bir çox kimyəvi maddələrin sənayedə tətbiqini dərsliklərimizdən öyrənirlər.

Bu ekskursiya nəticəsində onlar həm də kimyəvi elementlərin boya, boru və s. istehsalında necə tətbiq edildiyi ilə tanış olublar”.

Liseydə şagirdlərin praktik təcrübə qazanmaları üçün bu cür ekskursiyalar mütəmadi olaraq keçirilir.

kaspi.edu.az