Milli İncəsənət Muzeyinə ekskursiya

Həm təhsil, həm də sənət dünyasına dərindən nüfuz etmək imkanı

Kaspi Ağ Şəhər Liseyinin 7-ci sinif şagirdləri Milli İncəsənət Muzeyinə ekskursiya ediblər.

Liseydən kaspi.edu.az-a verilən məlumata görə, şagirdlər Azərbaycanın zəngin mədəni irsi və incəsənəti haqqında geniş məlumat toplayıblar. “Muzeyə təşkil olunan bu səfər şagirdlərə həm təhsil, həm də sənət dünyasına dərindən nüfuz etmək imkanı yaratdı. Səyahət zamanı şagirdlər muzeyin müxtəlif bölmələrini gəzərək Azərbaycan və dünya incəsənətinin əhəmiyyətli nümunələri ilə tanış oldular. Onlar həm qədim dövrlərə aid olan, həm də müasir sənət əsərlərinin nümayiş olunduğu sərgiləri maraqla izlədilər”.

Şagirdlər muzeyin zəngin kolleksiyası, xüsusilə Azərbaycan rəssamlarının əsərləri ilə tanış olub, rəngarəng tablolar, heykəllər və tətbiqi sənət nümunələri haqqında geniş məlumat alıblar.

Liseydə İllik Fəaliyyət Planı çərçivəsində bu tip ekskursiyalar davam etdirilir.

kaspi.edu.az