Futbolçu ilə görüş keçirilib

Emin Mahmudovun futbol karyerası haqqında uşaqlara məlumat verilib

Kaspi Ağ Şəhər Liseyinin İbtidai korpusunda Azərbaycan milli futbol komandasının və Neftçi FK-nun kapitanı Emin Mahmudovla görüş keçirilib.

kaspi.edu.az-a liseydən verilən məlumatda bildirilir ki, görüşdə futbolçunun ölkə futboluna verdiyi töhfələrdən söz açılıb, idmançının karyerası haqqında uşaqlara məlumat verilib. Eyni zamanda, futbolçunun fəaliyyətinə həsr olunan videoçarx nümayiş olunub və E.Mahmudov şagirdlərin suallarını cavablandırıb.

Emin Mahmudovun karyerası haqqında verilən sualları düzgün cavablandıran şagirdlərə müxtəlif hədiyyələr təqdim olunub.

Görüş şagirdlərin idmana olan marağını artırmaq, ölkənin məşhur idmançılarını tanıtmaq məqsədi daşıyır.

kaspi.edu.az