Liseydə “Zəif bənd” oyunu keçirilib

Kaspi Bakıxanov Liseyində “Zəif bənd” oyunu keçirilib.

Liseyin Sosial fəaliyyətlər üzrə rəhbəri Gülnarə Allahverdiyevanın verdiyi məlumata görə, yarış liseyin 11-ci sinifləri arasında keçirilib.

Riyaziyyat fənn rəhbəri Rövşən Dünyamalıyevin təşəbbüsü ilə baş tutan oyun şagirdlərin həm əylənməsinə, həm də öyrənməsinə şərait yaradıb: “Dərslərin ağırlığı, imtahan stressinin get-gedə artdığı bir zamanda bu əyləncəli oyun 11-ci siniflər tərəfindən maraqla qarşılandı.

Liseydə mütəmadi olaraq keçirilən intellektual və əyləncəli yarışlar şagirdlərin sosiallaşmasına, komanda şəklində işləməsinə və biliklərini artırmasına kömək edir”.

kaspi.edu.az