Liseydə “Valideynlər yarışır”

Riyazi-məntiq oyunu valideyn və şagirdlərin liseyin sosial həyatında fəal iştirakını təmin etmək məqsədi daşıyır

Kaspi Bakıxanov liseyinin 5-ci sinif şagirdlərinin valideynləri arasında “Valideynlər yarışır” adlı riyazi-məntiq oyunu keçirilib.

kaspi.edu.az xəbər verir ki, 18 valideynin iştirak etdiyi yarışın əsas məqsədi valideyn və şagirdlərin liseyin sosial həyatında fəal iştirakını təmin etmək və əylənərək məntiqi təfəkkürü inkişaf etdirməkdir.

Yarışda qalib gələn “Qırmızı komanda”nın hər bir üzvünə stolüstü məntiq oyunu hədiyyə edilib.

Sonda valideyn və şagirdlərlə xatirə şəkli çəkilib, çay süfrəsi arxasında tədbirlə bağlı təəssüratlar paylaşılıb.

kaspi.edu.az