Liseydə futbol  və tennis turnirləri keçirilib

Zəfər Gününə həsr olunan turnirdə V-XI sinif şagirdləri yarışıblar

Kaspi Ağ Şəhər Liseyində Zəfər gününə həsr olunan futbol turniri keçirilib. Liseyin fiziki fənn rəhbərinin təşəbbüsü ilə baş tutan turnirdə V-VIII sinif şagirdləri yarışıb.

Liseydən verilən məlumata görə, turnirin keçirilməsində məqsəd uşaqlar arasında futbolun təbliğ edilməsi,  uşaqların fiziki sağlamlığının yüksəldilməsi ilə yanaşı, Vətən müharibəsi, böyük Zəfərimiz haqqında onları məlumatlandırmaq, milli yaddaşlarını möhkəmləndirməkdir.

Qeyd edək ki, yarışın final mərhələsində 7E və 7D sinifləri qarşı-qarşıya gəliblər. Oyun 7:1 hesabı ilə 7E sinfinin qalibiyyəti ilə yekunlaşıb.

Liseydə həmçinin Zəfər Gününə həsr olunan Tennis turniri təşkil olunub. Yarış qızlar və oğlanlar arasında ayrı keçirilib və 8-11 sinif şagirdlərini əhatə edib.

Liseyin direktoru Həsən Həsənov qalib gələn komandaları mükafatlandırıb.

kaspi.edu.az