Kaspi Liseyinin şagirdləri ADA Universitetində

Şagirdlər infotur zamanı universitetlə yaxından tanış olmaq imkanı qazanıblar

Kaspi liseyinin şagirdləri üçün ADA Universitetinə infotur təşkil olunub.

Liseydən kaspi.edu.az-a verilən məlumatda bildirilir ki, infoturun həyata keçirilməsində məqsəd şagirdlərin ixtisas seçiminə köməkliyin göstərilməsi, ali təhsil müəssisəsindəki qəbul şərtləri və qaydaları ilə tanış olmaqdır: “Bundan əlavə, ixtisas və keçid balları, ödənişlər, güzəştlər və üstünlüklər, təhsil müəssisəsini digər universitetlərdən fərqləndirən xüsusiyyətlər və universitetdəki şərait haqqında ətraflı məlumat almaq üçün ekskursiya həyata keçirildi.

Bu cür ekskursiyalar şagirdlərin məlumatlılığının artırılmasında və gələcək ixtisas seçimində mühüm rol oynayır”.

Lisey şagirdlərinin digər ali məktəblərə də infoturlarının təşkili nəzərdə tutulub.

kaspi.edu.az