Kaspi Liseyi Teknofest Azərbaycanda

Kaspi Təhsil Şirkəti də öz məhsullarının yer aldığı sərgi ilə  festivalda iştirak etdi. Həmçinin, Kaspi Liseylərinin iki komandası – “AST” (Ağ Şəhər Liseyi) və “EkoGang” (Bakıxanov filialı) da festival çərçivəsində təşkil olunan “Yaşıl Texnologiya” (Green Tech) müsabiqəsində yarışdı.

Kaspi Şirkətinin stendində sərgilənən Kaspi Liseylərinin və KTŞ-nin Kaspi Abituriyent, Kaspi Kids və Kaspi Uşaq bağçası, Kaspi Qlobal, STEMART və s. xidmətləri ilə bağlı elanlar, broşürlər ziyarətçilərin böyük marağına səbəb oldu. Ziyarətçilər Kaspi Liseylərində təhsilalmanın 10 özəlliyi ilə yerində tanış oldular. Həmçinin sərgidə VEX Robotiks məhsulları, onlardan istifadə, proqramlaşdırması nümayiş etdirildi, 8-13 yaşlı uşaqlara  ustad dərsləri (master-klass) keçirildi.

Sərgidə təmsil olunan Kaspi Şirkətinin əməkdaşları ziyarətçiləri təhsil müəssisəsinin məhsulları ilə bağlı ətraflı məlumatlandırdılar.