“Bədii qiraət” müsabiqəsinin yarımfinal mərhələsi keçirilib

Müsabiqədə iştirak etmək üçün 26 məktəb qeydiyyatdan keçib

Kaspi Ağ Şəhər liseyində “Beynəlxalq Ana Dili Günü”nə həsr olunan “Bədii qiraət” müsabiqəsinin yarımfinal mərhələsi keçirilib.

Müsabiqədə iştirak etmək üçün 26 məktəb qeydiyyatdan keçib. Şagirdlər “Beynəlxalq Ana Dili Günü”nə həsr olunmuş şeirlər səsləndiriblər.

Liseydən verilən məlumata görə, tədbirdə Kaspi Təhsil Şirkətinin təsisçisi Sona Vəliyeva, Kaspi Ağ Şəhər Liseyinin direktoru Həsən Həsənov, Bakı şəhəri Gənclər və İdman İdarəsinin Xətai rayon şöbəsinin baş məsləhətçisi Dilşad Nuriyeva iştirak ediblər.

Qeyd edək ki, müsabiqənin münsiflər heyətinə Libra Uşaq Nəşriyyatının redaktoru Nicat Əliyev,  AYB İdarə Heyətinin üzvü, “Ulduz” jurnalının baş redaktoru Qulu Ağsəs, Azərbaycan Dövlət Mədəniyyət və İncəsənət Universitetinin kafedra müdiri, professor, Respublikanın əməkdar artisti Azad Şükürov daxildir.

kaspi.edu.az