Balacalardan Qadınlar Gününə töhfə

Liseyin birinci sinif və məktəbəqədər qrupları 8 Mart Beynəlxalq Qadınlar Gününü qeyd ediblər

8 Mart -Beynəlxalq Qadınlar Günü hər il müxtəlif dünya dövlətlərində, eləcə də respublikamızda təntənəli şəkildə qeyd olunur.

Kaspi Təhsil Şirkətinin müəssisələrində bayram hər il silsilə tədbirlərlə qeyd edilir.

Kaspi Liseyi Kembric bölməsinin birinci sinif və məktəbəqədər qrupları 8 Mart Beynəlxalq Qadınlar Gününü böyük coşqu ilə qeyd ediblər.

Şagirdlər öz mahnı, rəqs və şeir performansları ilə tədbirə rəng qatıb, iştirakçılara unudulmaz anlar bəxş ediblər.

Liseyin direktoru Həsən Həsənov çıxış edərək qadın müəllimləri və valideynləri bu tarixi gün münasibətilə təbrik edib.

Səmimi və mehriban atmosferdə keçən maraqlı tədbir valideynlər tərəfindən də böyük rəğbətlə qarşılanıb.

kaspi.edu.az