Abituriyentlər ixtisas seçimi edərkən...
I ixtisas qrup üzrə abituriyentlərə TÖVSİYƏLƏR
Dövlət İmtahan Mərkəzi (DİM) tərəfindən keçirilən qəbul imtahanları yekunlaşıb, abituriyentlərin imtahan nəticələri bəlli olub. DİM-dən verilən məlumata görə, ixtisas seçimi bütün ixtisas qrupları üzrə 2023‑cü il avqustun 16-dan 28-dək internet vasitəsilə aparılacaq. DİM valideyn və abituriyentlər üçün ixtisas seçimi zamanı faydalı olacaq statistik məlumat kitabçaları, ötən ilki keçid balları üzrə xüsusi buraxılış və jurnallar nəşr etmişdir. Bütün bunlardan istifadə edərək, Kaspi Təhsil Şirkətinin ekspertləri ixtisas qrupları üzrə cari vəziyyəti analiz edib, ötən ilki məlumatlarla müqayisə aparıb, valideyn və abituriyentlərin seçim zamanı diqqət yetirməli olduqları vacib məqamları müəyyənləşdirib. İxtisas seçimi olduqca ciddi və məsuliyyətli bir mərhələdir. Bu mərhələdə xüsusən diqqətli və ehtiyatlı davranmaq, seçim etmək lazımdır.
Kaspi.edu.az Kaspi Təhsil Şirkətinin Tədris işləri üzrə akademik rəhbəri Rəsul Ağayevin I ixtisas seçimi ilə bağlı təhlil və tövsiyələrini təqdim edir.
I ixtisas qrup üzrə abituriyentlərin imtahan nəticələrinin analizi və müqayisəsi:
Təhsil Nazirliyi və Dövlət İmtahan Mərkəzi tərəfindən 2022-ci ildə hazırlanmış qərar layihəsinə uyğun olaraq, I ixtisas qrupunun daxilində 2 altqrup yaradılıb: RK (Riyaziyyat-Kimya) və Rİ (Riyaziyyat-İnformatika) altqrupları. İxtisaslar da müvafiq altqruplar üzrə bölünüb: informatika yönümlü ixtisaslar Rİ altqrupuna daxil edilib.
RK altqrupuna daxil olan ixtisasların siyahısı
Rİ altqrupuna daxil olan ixtisasların siyahısı
Aerokosmik mühəndislik
İnformasiya təhlükəsizliyi
Aqromühəndislik
İnformasiya texnologiyaları
Aqronomluq
İnformatika müəllimliyi
Aviasiya təhlükəsizliyi mühəndisliyi
Kompüter elmləri
Balıqçılıq
Kompüter mühəndisliyi
Cihaz mühəndisliyi
Mexatronika və robototexnika mühəndisliyi
Dəniz naviqasiyası mühəndisliyi
Proseslərin avtomatlaşdırılması mühəndisliyi
Ekologiya mühəndisliyi
Riyaziyyat və informatika müəllimliyi
Elektrik və elektronika mühəndisliyi
Energetika mühəndisliyi
Fizika
Fizika müəllimliyi
Gəmi energetik qurğularının istismarı mühəndisliyi
Gəmiqayırma və gəmi təmiri mühəndisliyi
Geologiya
Geologiya və geofizika mühəndisliyi
Geomatika və geodeziya mühəndisliyi
Hava nəqliyyatının hərəkətinin təşkili
Hərbi kompozisiya materialları mühəndisliyi
Hərbi rabitə vasitələri mühəndisliyi
Həyat fəaliyyətinin təhlükəsizliyi mühəndisliyi
İnşaat mühəndisliyi
Kimya mühəndisliyi
Kommunikasiya sistemlər mühəndisliyi
Logistika və nəqliyyat texnologiyaları mühəndisliyi
Maşın mühəndisliyi
Materiallar mühəndisliyi
Mədən mühəndisliyi
Meliorasiya mühəndisliyi
Memarlıq
Meşəçilik
Metallurgiya mühəndisliyi
Mexanika
Mexanika mühəndisliyi
Mühəndis fizikası
Neft-qaz mühəndisliyi
Nəqliyyat mühəndisliyi
Nəqliyyat mühəndisliyi
Nəqliyyat mühəndisliyi (sahələr üzrə)
Nəqliyyat tikintisi mühəndisliyi
Optoteknika mühəndisliyi
Pirotexniki və partlayıcı maddələr mühəndsiliyi
Qida mühəndisliyi
Qida mühəndisliyi
Radiotexnika və telekommunikasiya mühəndisliyi
Riyaziyyat
Riyaziyyat müəllimliyi
Şəhərsalma
Sənaye mühəndisliyi
Şərabçılıq
Silah və silah sistemləri mühəndisliyi
Texnologiya müəllimliyi
Torpaqşünaslıq və aqrokimya
Uçuş mühəndisliyi
Yerquruluşu və daşınmaz əmlakın kadastrı
Zoomühəndislik
Respublika ali təhsil müəssisələrinin I ixtisas qrupuna Riyaziyyat-Kimya (RK) altqrupu üzrə Azərbaycan bölməsi üzrə tələbə qəbulu planı 9345 nəfər, rus bölməsi üzrə tələbə qəbulu planı 565 nəfər, hər iki bölmənin birgə müsabiqəsi üzrə tələbə qəbulu planı 2336 nəfər, ümumilikdə tələbə qəbulu planı 12246 nəfər təşkil edir, o cümlədən dövlət sifarişi isə 8398 nəfərdir.
Respublika ali təhsil müəssisələrinin I ixtisas qrupuna Riyaziyyat-İnformatika (Rİ) altqrupu üzrə Azərbaycan bölməsi üzrə tələbə qəbulu planı 4280 nəfər, rus bölməsi üzrə tələbə qəbulu planı 415 nəfər, hər iki bölmənin birgə müsabiqəsi üzrə tələbə qəbulu planı 1445 nəfər, ümumilikdə tələbə qəbulu planı 6140 nəfər təşkil edir, o cümlədən dövlət sifarişi isə 4950 nəfərdir.
Respublika ali təhsil müəssisələrinin I ixtisas qrupuna ÜMUMİLİKDƏ Azərbaycan bölməsi üzrə tələbə qəbulu planı 13625 nəfər, rus bölməsi üzrə tələbə qəbulu planı 980 nəfər, hər iki bölmənin birgə müsabiqəsi üzrə tələbə qəbulu planı 3781 nəfər, ümumilikdə tələbə qəbulu planı 18386 nəfər təşkil edir, o cümlədən dövlət sifarişi isə 13348 nəfərdir.
İmtahan nəticələrinə əsasən, Riyaziyyat-Kimya (RK) altqrupu üzrə balı 200-dən və imtahanın 2-ci mərhələsi üzrə 100 baldan az olmayan 10882 abituriyent - Azərbaycan bölməsi üzrə 9910 nəfər və rus bölməsi üzrə 972 nəfər; ümumi balı 150-dən və imtahanın 2-ci mərhələsi üzrə 50 baldan az olmayan 16563 abituriyent - Azərbaycan bölməsi üzrə 14982 nəfər və rus bölməsi üzrə 1581 nəfər müsabiqədə iştirak etmək hüququ qazanıb.
İmtahan nəticələrinə əsasən, ümumi Riyaziyyat-İnformatika (Rİ) altqrupu üzrə balı 200-dən və imtahanın 2-ci mərhələsi üzrə 100 baldan az olmayan 6437 abituriyent - Azərbaycan bölməsi üzrə 5762 nəfər və rus bölməsi üzrə 675 nəfər müsabiqədə iştirak etmək hüququ qazanıb.
Aşağıdakı məqamlara diqqət yetirin:
1) Ötən il - 2022-ci illə müqayisədə Respublika ali təhsil müəssisələrinin I ixtisas qrupuna Azərbaycan bölməsi üzrə tələbə qəbulu planı 1350 nəfər (RK+Rİ altqrupları üzrə birlikdə) artırılmış, rus bölməsi üzrə 45 nəfər (RK+Rİ altqrupları üzrə birlikdə) artırılmış, hər iki bölmənin birgə müsabiqəsi üzrə 572 nəfər (RK+Rİ altqrupları üzrə birlikdə) artırılmış, cəmi tələbə qəbulu planı 1967 nəfər (RK+Rİ altqrupları üzrə birlikdə) artırılmışdır.
2) Ötən il - 2022-ci illə müqayisədə Dövlət Sifarişi üzrə tələbə qəbulu planı 2563 nəfər (RK+Rİ altqrupları üzrə birlikdə) artırılmışdır.
I ixtisas qrup üzrə seçim zamanı valideyn və abituriyentlərə TÖVSYƏLƏR:
1) Respublika ali təhsil müəssisələrinin I ixtisas qrupuna Riyaziyyat-Kimya (RK) altqrupu üzrə tələbə qəbulu planı 12246 nəfər olduğu halda, müsabiqədə iştirak etmək hüququ qazanan abituriyentlərin sayı 10882 (imtahanın 2-ci mərhələsi üzrə 100 baldan az olmayan) / 16563 (imtahanın 2-ci mərhələsi üzrə 50 baldan az olmayan) nəfər təşkil edir. Bu da o deməkdir ki, Müsabiqənin 1-ci şərti üzrə bütün abituriyentlərin “tələbə” adını qazanmaq şansı var, çünki abituriyentlərin sayı plan yerlərinin sayından 1364 nəfər azdır. Lakin Müsabiqənin 2-ci şərti üzrə abituriyentlər ixtisas seçimi edərkən, diqqətli və ehtiyatlı davranmalıdırlar, çünki abituriyentlərin sayı isə plan yerlərinin sayından 3060 nəfər azdır. Bu olduqca böyük bir rəqəmdir və əlbəttə abituriyentlər seçimlərini doğru şəkildə etməlidirlər.
Respublika ali təhsil müəssisələrinin I ixtisas qrupuna Riyaziyyat-İnformatika (Rİ) altqrupu üzrə tələbə qəbulu planı 6140 nəfər olduğu halda, müsabiqədə iştirak etmək hüququ qazanan abituriyentlərin sayı 6437 (imtahanın 2-ci mərhələsi üzrə 100 baldan az olmayan) nəfər təşkil edir. Bu da o deməkdir ki, bütün abituriyentlər ixtisas seçimi edərkən, diqqətli və ehtiyatlı davranmalıdırlar, çünki ümumilikdə abituriyentlərin sayı plan yerlərinin sayından 297 (imtahanın 2-ci mərhələsi üzrə 100 baldan az olmayan) nəfər çoxdur.
2) Dövlət sifarişi üzrə tələbə qəbulu planı Riyaziyyat-Kimya (RK) altqrupu üzrə 8398 nəfər təşkil edir. Bu da o deməkdir ki, 270-280 baldan yuxarı nəticə göstərən abituriyentlər ixtisas seçimində Dövlət Sifarişini qeyd edə biləcəklər, çünki ümumilikdə 8778 (imtahanın 2-ci mərhələsi üzrə 100 baldan az olmayan) 270 baldan yuxarı, 8480 (imtahanın 2-ci mərhələsi üzrə 50 baldan az olmayan) abituriyent 280 baldan yuxarı nəticə göstərmişdir.
Dövlət sifarişi üzrə tələbə qəbulu planı Riyaziyyat-İnformatika (Rİ) altqrupu üzrə 4950 nəfər təşkil edir. Bu da o deməkdir ki, 300 baldan yuxarı nəticə göstərən abituriyentlər ixtisas seçimində Dövlət Sifarişini qeyd edə biləcəklər, çünki ümumilikdə 4966 abituriyent 300 baldan yuxarı nəticə göstərmişdir.
Əlbəttə, balı daha yüksək olan abituriyentlər seçim zamanı 15 mümkün yerdən daha çoxuna Dövlət sifarişi qeyd edə bilər, lakin balı nisbətən aşağı olan abituriyentlər isə diqqətli davranmalıdırlar, onlar seçim zamanı ödənişli əsaslara daha üstünlük verməlidir.
3) Riyaziyyat-Kimya (RK) altqrupu üzrə 270-280 baldan aşağı nəticə göstərən abituriyentlər, Riyaziyyat-İnformatika (Rİ) altqrupu üzrə 300 baldan aşağı nəticə göstərən abituriyentlər ödənişli əsasları seçə bilər.
4) Ötən il - 2022-ci ildə altqruplar olmadığı üçün biz bal aralıqları üzrə abituriyentlərin paylanma sıxlığına baxıb, müqayisə apara bilərik:
Cari ildə həm Azərbaycan, həm də bölməsində Riyaziyyat-Kimya (RK) altqrupunda 500-700 bal aralığında abituriyentlərin paylanma sıxlığı aşağı düşüb. Bu o deməkdir ki, keçən ilki yüksək keçid balları nisbətən aşağı düşəcək. Seçim zamanı abituriyentlər ötən ilki keçid ballarından 30-50-70 bal yüksək yerləri yaza bilər. 200-500 bal aralığında isə abituriyent saylarında artma var. Bu da o deməkdir ki, keçid balları yerində qalacaq və hətta daha da yüksələcəkdir.
Həm Azərbaycan, həm də bölməsində ümumi balı 150-dən və imtahanın 2-ci mərhələsi üzrə 50 baldan az olmayan abituriyentlərin bal aralıqlarında paylanma sıxlığı aşağı düşüb. Ona görə də seçim zamanı diqqətli olmaq lazımdır.
Cari ildə həm Azərbaycan, həm də bölməsində Riyaziyyat-İnformatika (Rİ) altqrupunda 550-700 bal aralığında abituriyentlərin paylanma sıxlığı aşağı düşüb. Bu o deməkdir ki, keçən ilki yüksək keçid balları nisbətən aşağı düşəcək. Seçim zamanı abituriyentlər ötən ilki keçid ballarından 30-50-70 bal yüksək yerləri yaza bilər. 300-550 bal aralığında isə abituriyent saylarında artma var. Bu da o deməkdir ki, keçid balları yerində qalacaq və hətta daha da yüksələcəkdir. 200-300 bal aralığında abituriyentlərin paylanma sıxlığı aşağı düşüb. Ona görə də seçim zamanı diqqətli olmaq lazımdır.
5) Riyaziyyat-Kimya (RK) altqrupu üzrə 210 baldan aşağı, Riyaziyyat-İnformatika (Rİ) altqrupu üzrə isə 230 baldan aşağı nəticə göstərən abituriyentlər seçimləri zamanı çox diqqətli olmalıdırlar. Çünki onların ali təhsil müəssisələrinə qəbul ola bilməmək kimi ehtimalı çox yüksəkdir.
Əziz valideynlər və abituriyentlər, ixtisas seçimi zamanı diqqətli olun!
Kaspi.edu.az