Yaradıcı düşüncə, özünəinam, sosial ünsiyyət və estetik qavrayış bacarıqların inkişafına istiqamətlənmiş platforma

Yaradıcı düşüncə, özünəinam, sosial ünsiyyət və estetik qavrayış bacarıqların inkişafına istiqamətlənmiş platforma

Kaspi Liseyinin Cambridge bölməsində şagirdlərin sosial-emosional inkişafını dəstəkləmək, onların yaradıcılıq potensialını stimullaşdırmaq və məktəb mühitində pozitiv psixoloji atmosfer formalaşdırmaq məqsədilə “Crazy Hair Day” adlı tematik tədbir təşkil edilib. “Bu tədbir, şagirdlərin özünüifadə bacarıqlarını gücləndirmək, qeyri-formal mühitdə innovativ düşüncə tərzini tətbiq etmək və kollektiv fəaliyyətə yönəlmiş motivasiya mexanizmlərini aktivləşdirmək baxımından xüsusi əhəmiyyət kəsb edib”- deyə Liseyin məlumatında bildirilir.

“Crazy Hair Day” çərçivəsində şagirdlər müxtəlif vizual elementlərdən, rənglərdən və kreativ dizayn texnikalarından istifadə etməklə fərqli saç kompozisiyaları hazırlayıblar. Bu isə onların estetik zövqünün inkişafına, həmçinin şəxsi təşəbbüskarlıq və qərarvermə bacarıqlarının təcrübədə sınaqdan keçirilməsinə şərait yaradıb. Tədbir müddətində müəllimlər tərəfindən müşahidə olunan yüksək iştirak faizi, şagirdlərin pozitiv emosional reaksiyaları və sosial qarşılıqlı əlaqələrin artması bu fəaliyyətin tərbiyəvi və psixoloji təsirini bir daha təsdiq edib: ““Crazy Hair Day” yalnız əyləncəli bir fəaliyyət olmaqla kifayətlənmədi, Cambridge kurikulumu çərçivəsində şagirdlərin yaradıcı düşüncə, özünəinam, sosial ünsiyyət və estetik qavrayış kimi XXI əsr bacarıqlarının inkişafına istiqamətlənmiş innovativ təlim-tərbiyə metodlarının tətbiqi üçün effektiv platforma rolunu oynadı”.

Qeyd edək ki, bu cür tədbirlərin təşkili məktəb həyatını daha rəngarəng və motivasiyaedici etməkdən əlavə, müasir pedaqogikanın tələb etdiyi çoxşaxəli inkişaf məqsədlərinə də xidmət edir.

Kaspi.edu.az